ગુજરાતમાં આજે ક્યાં છે વરસાદની શક્યતા? જાણો હવામાન વિભાગની આગાહી

Rain forecast : ગુજરાતમાં છેલ્લા થોડાં દિવસથી વરસાદી માહોલ છવાયો છે. અમદાવાદ સહિત રાજ્યના અનેક વિસ્તારોમાં છેલ્લા બે દિવસથી છૂટાછવાયા સ્થળો પર વરસાદી ઝાપટાં પડી રહ્યા છે. ત્યારે હવામાન વિભાગે આગામી છ દિવસ પણ રાજ્યના કેટલાંક વિસ્તારોમાં વરસાદ થશે તેમ જણાવ્યુ છે. હવામાન વિભાગની આગાહી પ્રમાણે, ગુજરાતમાં વીજળીના ચમકારાં અને ગાજવીજ સાથે હળવાથી સામાન્ય વરસાદની આગાહી છે

આજે કયા કયા વિસ્તારોમાં આગાહી

હવામાન વિભાગના મોસમ વૈજ્ઞાનિક, રામાશ્રય યાદવે સોમવારે પોતાની આગાહીમાં જણાવ્યુ હતુ કે,આજે, મંગળવારે દક્ષિણ અને ઉત્તર ગુજરાતના કેટલાક ભાગોમાં છૂટાછવાયા સ્થળો પર હળવો વરસાદ થવાની આગાહી છે. આ ઉપરાંત સાબરકાંઠા,અરવલ્લી, ખેડા, અમદાવાદ, આણંદ, પંચમહાલ, દાહોદ, મહીસાગર અને દક્ષિણ ગુજરાતના તમામ જિલ્લાઓમાં તથા સૌરાષ્ટ્રના જુનાગઢ, અમરેલી, ભાવનગર, ગીર સોમનાથમાં વીજળીના ચમકારા સાથે હળવા વરસાદની આગાહી કરવામાં આવી છે. 

આ પણ વાચો : આજે ક્યાં પડશે ધોધમાર વરસાદ? જાણો હવામાન વિભાગની નવી આગાહી

11 તારીખની આગાહી

હવામાન વિભાગ દ્વારા પ્રસિદ્ધ કરવામાં આવેલા 11 જૂનના વરસાદના મેપ પ્રમાણે, સાબરકાંઠા, અરવલ્લી, પંચમહાલ, દાહોદ, મહીસાગર, વડોદરા, છોટાઉદેપુર, નર્મદા, ભરૂચ, સુરત, ડાંગ, નવસારી, વલસાડ, તાપી, દમણ, દાદરા નગર, હવેલી, જુનાગઢ, અમરેલી, ભાવનગર, ગીર સોમનાથમાં છૂટાછવાયા સ્થળો પર ગાજવીજ સાથે વરસાદની આગાહી છે.

12 અને 13 તારીખમાં કયા કયા આગાહી

Rain forecast : આ સાથે તેમણે જણાવ્યુ છે કે, 12 અને 13મીએ છૂટાછવાયા સ્થળો પર સામાન્ય વરસાદ થઇ શકે છે. નર્મદા,ભરૂચ, સુરત, ડાંગ, નવસારી, વલસાડ, તાપી, દમણ, દાદરાનગર હવેલી તથા જુનાગઢ, અમરેલીમાં વીજળીના ચમકારા સાથે હળવા વરસાદની આગાહી કરવામાં આવી છે. 12 જૂનના વરસાદના મેપ પ્રમાણે, નર્મદા, સુરત, ડાંગ, નવસારી, વલસાડ, તાપી, દમણ, દાદરા નગર હવેલી, અમરેલી, ભાવનગરમાં છૂટાછવાયા સ્થળો પર ગાજવીજ સાથે વરસાદની શક્યતા છે.

13 તારીખની આગાહી

13 જૂનના વરસાદના મેપ પ્રમાણે, નર્મદા, સુરત, ડાંગ, નવસારી, વલસાડ, તાપી, દમણ, દાદરા નગર હવેલી, અમરેલી, ભાવનગરમાં છૂટાછવાયા સ્થળો પર ગાજવીજ સાથે વરસાદની શક્યતા છે.

પાંચમા દિવસે છૂટાછવાયા સ્થળો પર સામાન્ય વરસાદ થઇ શકે છે. સુરત, ડાંગ, નવસારી, વલસાડ, તાપી, દમણ, દાદરાનગર હવેલી, જુનાગઢ, અમરેલી, ભાવનગર, ગીર સોમનાથ, દિવમાં હળવા વરસાદની આગાહી કરવામાં આવી છે. 14 જૂનના વરસાદના મેપ પ્રમાણે, સુરત ,નવસારી, વલસાડ, દમણ, દાદરા નગર હવેલી, અમરેલી, ભાવનગર, ગીર સોમનાથ ,દીવમાં છૂટાછવાયા સ્થળો પર ગાજવીજ સાથે વરસાદની આગાહી છે.