petrol-diesel new price : આંતરરાષ્ટ્રીય બજારમાં ક્રૂડ ઓઈલના દરમાં સતત વધારો-ઘટાડો થઈ રહયો છે. તેના આધારે દેશભરમાં પેટ્રોલ-ડીઝલના દર નક્કી કરવામાં આવે છે. જોકે, લાંબા સમયથી રાષ્ટ્રીય સ્તરે તેલની કિંમતોમાં કોઈ ફેરફાર થયો નથી. ત્યારે આજે એટલે કે 03 ડિસેમ્બર, 2024ના રોજ પેટ્રોલ અને ડીઝલના દરમાં કોઈ ફેરફાર થયો નથી. જ્યારે રાજ્ય સ્તરે દરમાં થોડો ફેરફાર જોવા મળી શકે છે. ત્યારે આવો જાણીએ ગુજરાતના મહાનગરો અને દેશના મહાનગરોમાં પેટ્રોલ અને ડીઝલના દર શું છે.
આજે આંતરરાષ્ટ્રીય બજારમાં કાચા તેલનની કિંમત 71 ડોલર($)ને પાર કરી ગયો છે. બ્રેન્ટ ક્રૂડ આજે પ્રતિ બેરલ 71.83 ડોલર પર ટ્રેડ કરી રહ્યું છે, જ્યારે WTI ક્રૂડ પ્રતિ બેરલ 68.16 ડોલર પર ટ્રેડ કરી રહ્યું છે. જ્યારે ભારતની વાત કરીએ તો સરકારી ઓઈલ કંપનીઓએ આજે (મંગળવારે) 03, ડિસેમ્બર 2024ના રોજ પણ તમામ મહાનગરોમાં પેટ્રોલ-ડીઝલના દર સ્થિર રાખ્યા છે.
પેટ્રોલ પંપ પર જઈને જ પેટ્રોલ અને ડીઝલના દર જાણવા જરૂરી નથી તમે ઘરે બેઠા પણ SMS દ્વારા ઈંધણના દર જાણી શકો છો. ઇન્ડિયન ઓઇલ કંપનીના SMS નંબર 9222201122 પર RSP અને તમારો સિટી પિન કોડ SMS કરો. આવો જ મેસેજ ભારત પેટ્રોલિયમ નંબર 9223112222 પર મોકલો. જો તમે હિન્દુસ્તાન પેટ્રોલિયમ કોર્પોરેશન લિમિટેડના ગ્રાહક છો, તો HP અને તમારા શહેરનો પિન કોડ 9222201122 નંબર પર મેસેજ કરો.
