પ્રધાનમંત્રી કિસાન સન્માન નિધિ યોજનાના લાભાર્થીઓ માટે મોટા સમાચાર છે. દેશના કરોડો ખેડૂતો જે 13મા હપ્તાના પૈસાની રાહ જોઈ રહ્યા હતા, તેમની રાહ આજે પૂરી થઈ જશે. PM મોદી આજે એટલે કે સોમવારે 8 કરોડથી વધુ ખેડૂતોના બેંક ખાતામાં 16,800 કરોડ રૂપિયાની રકમ જારી કરશે. કૃષિ મંત્રી નરેન્દ્ર સિંહ તોમરે ટ્વીટ કરીને આની જાણકારી આપી છે.
6000 રૂપિયા વાર્ષિક આપવામાં આવે છે
પ્રધાનમંત્રી કિસાન સન્માન નિધિ યોજના હેઠળ, પાત્ર ખેડૂતોને દર ચાર મહિને 2,000 રૂપિયાના ત્રણ સમાન હપ્તામાં વાર્ષિક રૂ. 6,000 ની આર્થિક સહાય આપવામાં આવે છે. આ રકમ લાભાર્થીઓના બેંક ખાતામાં સીધી મોકલવામાં આવે છે. આ યોજના ફેબ્રુઆરી, 2019 માં રજૂ કરવામાં આવી હતી, પરંતુ તે ડિસેમ્બર, 2018 થી અસરકારક માનવામાં આવી હતી.
જેમાં કૃષિ મંત્રી સહિત અનેક મંત્રીઓ હાજર રહેશે
એક સત્તાવાર નિવેદન અનુસાર, વડાપ્રધાન મોદી કર્ણાટકના બેલાગવીમાં આયોજિત એક કાર્યક્રમમાં પીએમ-કિસાન યોજનાનો 13મો હપ્તો રજૂ કરશે. પીએમ કિસાન અને જલ જીવન મિશનના લાભાર્થીઓ સહિત લગભગ એક લાખ લોકો આ કાર્યક્રમમાં ભાગ લે તેવી અપેક્ષા છે. આ દરમિયાન કેન્દ્રીય કૃષિ મંત્રી નરેન્દ્ર સિંહ તોમર અને કૃષિ સચિવ મનોજ આહુજા પણ હાજર રહેશે.
કેટલા હપ્તા ખેડૂતોને મળ્યા છે ?
પીએમ-કિસાન યોજનાનો 11મો હપ્તો મે, 2022માં જ્યારે 12મો હપ્તો ઓક્ટોબર, 2022માં રિલીઝ કરવામાં આવ્યો હતો આ યોજના હેઠળ અત્યાર સુધીમાં 11 કરોડથી વધુ ખેડૂતોને કુલ 2.25 લાખ કરોડ રૂપિયાની રકમનું વિતરણ કરવામાં આવ્યું છે. તેમાંથી 1.75 લાખ કરોડ રૂપિયા કોવિડ-19 સમયગાળા દરમિયાન ખેડૂતોને અનેક હપ્તામાં આપવામાં આવ્યા હતા.
ચાલો તમને જણાવીએ કે તમે યાદીમાં તમારું નામ કેવી રીતે ચેક કરી શકો છો-
>> તમારે પહેલા સત્તાવાર વેબસાઇટ https://pmkisan.gov.in/ પર જવું પડશે.
>> હવે હોમ પેજ પર ડેશ બોર્ડ પર ક્લિક કરો.
>> આ પછી તમારું રાજ્ય, જિલ્લો અને ગામ પસંદ કરો.
>> હવે તમારી સ્ક્રીન પર લિસ્ટ ખુલશે.
>> આમાં તમે તમારું નામ ચેક કરી શકો છો
